СРЕДБА за запознавање со можностите на Академијата за естетска стоматологија

Почитувани колеги,

Неодамна беше официјално отворен Приватниот научен институт “Академија за естетска стоматологија”, во Скопје, ул. Кленоец бр. 85, населба Влае.

Магистерската програма за естетска стоматологија на Приватниот научен институт – „Академија за естетска стоматологија“, прв од таа област во државата и во регионот е посветена на унапредување и имплементирање на научните сознанија и практики во стоматологијата, промовирање совршеност во уметноста и науката и поттикнување на највисоки стандарди на етичко однесување и одговорна грижа за пациентот од естетските стоматолози. Таа е придружна членка на Универзитетот „Гоце Делчев“ во Штип и нуди напредна академска обука во областа на естетската стоматологија со мултидисциплинарен фокус.

Тоа е едногодишна студиска програма (60 ЕКТС) наменета за стоматолозите и има цел да ги квалификува да бараат опции за синоптички третман преку подобрување на методолошки и индивидуални вештини, како и подигање на нивната свест за важноста на објективната проценка на естетските случаи.

По успешното завршување на оваа програма, на дипломираните студенти ќе им биде доделена академска титула „МАГИСТЕР НА НАУКИ“ (МАГИСТЕР ПО ЕСТЕТСКА СТОМАТОЛОГИЈА) во меѓународниот промет познат како: Master of science in Dentistry, module: Master of aesthetic dentistry, како и додаток на диплома: Diploma Supplement.

За подетално запознавање на можностите кои ги нуди Академијата за естетска стоматологија организираме заедничка средба на 30-ти Октомври, 10 часот, во просториите на Академијата за естетска стоматологија, Скопје.

Вашите пријави за присуство пратете ги на contact@iacd.mk или направете го тоа преку формата подолу.

Однапред се радуваме на Вашето присуство и Ве очекуваме!

Mенаџмент на IACD